आजकाल उठ सूट अण्णा हजारे यांना वेठीला धरण्याचे खूळ माजले आहे. कुणीही उठतो आणि अण्णाना पकडतो. आता हेच पहा ना... लोकमत या दैनिकाने अण्णा हजारे यांना अतिथी संपादक म्हणून २६ एप्रिलला निमंत्रित केले आहे... आता आहे कि नाही गम्मत ! लोकमत हा पेपर आहे हे कबूल. पण इतरांच्या कल्पना बिनधास्त चोरून वापरायचे स्कील त्यांच्या इतके कुणाकडेच नाही... खरे तर अतिथी संपादक ही कल्पना मुळात महाराष्ट्र टाईम्सची. खूप जुन्या काळातील. सध्या लोकसत्ता या दैनिकाने मुख्यमंत्र्यांना अतिथी संपादक म्हणून बोलावले आहे... तीच कॉपी लोकमत करीत आहे.
पण लोकमत सारख्या दैनिकाने हे करणे योग्य आहे का? भ्रष्टाचाराविरुद्ध अण्णांनी रणशिंग फुंकलेले आहे... या लढ्यात दर्डाजी कुठे आहेत? नागपुरवाले असोत की औरंगाबादवाले... त्यांनी प्रथम आपल्या छातीवर हात ठेवून 'आपण आजवर कधीही भ्रष्टाचार केलेला नाही' असे सांगावे... म्हणजे त्यांच्या या मोहिमेचा खरेपणा लोकांना कळेल. नाही तर त्यांचे खायचे दात आणि दाखवयाचे दात लोकांना माहीत आहेतच... या नाटकाचे कुणाला कौतुक राहिलेले नाही... बाबूजी धीरे चलना...
